ESTE É O BLOG DOS NENOS E NENAS DA AULA DE 3 ANOS DO CEIP REBOREDA. QUEREMOS COMPARTIR CON VÓS ESTA ETAPA DE XOGOS, RISAS E IMAXINACIÓN!
As imaxes e vídeos que aparecen neste blog están descargadas da rede ou son de elaboración propia. Se alguén considera que NON SON DE LIBRE DISTRIBUCIÓN, pregámoslle nolo comuniquen a través dun comentario para podermos retiralas e respectar os dereitos de autor. Moitas grazas.
APROVEITANDO A PAISAXE TAN BONITA QUE TEMOS EN OUTONO, SAIMOS A OBSERVAR AS CORES DAS ÁRBORES, A XOGAR COAS FOLLAS E, DE PASO, COLLEMOS AS QUE MÁIS NOS GUSTARON.
CANDO VOLVEMOS A CLASE, FIXEMOS UNHA CREACIÓN LIBRE NUNHA CARTULINA A3 CON CORES DO OUTONO E PEGÁMOSLLE A NOSA FOLLA. POR ÚLTIMO ESTAMPÁMOSLLE O NOSO NOME E PLASTIFICÁMOLO.
ESTA É UNHA ACTIVIDADE QUE SEMPRE FAGO EN TRES ANOS, XA QUE NO COLE, CANDO MERENDAMOS, UTILIZAMOS UN MANTEL. DEBIDO Á SITUACIÓN ACTUAL NON PODEMOS USAR MANTEL NO COLE, POLO QUE ESTE CURSO ESPERO QUE AS BALEAS O DESFRUTEN NA CASA!
BOS DÍAS A TOD@S! CHEGAMOS A METADE DA SEMANA! ESPERO QUE CON MOITA ENERXÍA E ALEGRÍA!
HOXE PREPAREIVOS UN VÍDEO CUNHA ACTIVIDADE QUE FIXEMOS A ÚLTIMA QUINCENA DE COLE. SEGURO QUE VOS ACORDADES DE KANDINSKY E DA SÚA OBRA ESTUDIO DE COLOR CON CUADRADOS. ESCOITADE TAMÉN A CANCIÓN, É MOI BONITA!
CANDO COMEZAMOS COS AROS OLÍMPICOS E CO SIGNIFICADO QUE TIÑA CADA UN, TAMÉN INVESTIGAMOS, REFLEXIONAMOS E VERSIONAMOS OBRAS DE KANDINSKY CON CÍRCULOS. ESTA É UNHA DELAS.
E, COMO O DÍA HOXE VAI DE ARTE, VOS CONVIDO A PASAR POLAS GALERÍAS DE ALGÚN DESTES MUSEOS E BUSCAR ALGÚSN CADROS! TENDES QUE ESTAR MOI ATENTOS!
NO MUSEO DO PRADO (FAI CLIC NO NOME DO MUSEO PARA ENTRAR A SÚA GALERÍA)
NESTA GALERÍA INTENTA BUSCAR...EL CABALLERO DE LA MANO EN EL PECHO, EL GRECO
NO MUSEO REINA SOFÍA:
COLECCIÓN MIRÓ: NA COLECCIÓN MIRÓ INTENTA BUSCAR... O CADRO RETRATO II
AGORA, O TRABALLIÑO DE HOXE É... CREAR A TÚA PROPIA OBRA!
PODEDES UTILIZAR O MATERIAL QUE QUEIRADES (TÉMPERA, CERAS, ROTULADORES...) EU DÉIXOCHE UNHA IDEA FÁCIL CON ALGO QUE SEGURO TENDES EN CASA:
HOXE DEIXO DOUS CONTOS, UN DELES XA O CONTAMOS NO COLE ( EL PUNTO) E O OUTRO É NOVO (CASI):
POR ÚLTIMO, COAS COUSAS QUE PODEMOS TER EN CASA, DÉIXOVOS UNHA RECEITA PARA FACER PINTURA E DEBUXAR NA BAÑEIRA!
ESTE LUNS INAGURAMOS A SEMANA DAS LETRAS GALEGAS. COMEZAMOS CO IZADO DE BANDEIRA, QUE FACEMOS TODOS OS ANOS, ACOMPAÑADOS CO HIMNO GALEGO TOCADO POLO GRUPO DO CARBALLO DAS CEN POLAS. ADEMAIS, VARIOS NENOS E NENAS DO COLE, TOCARON A PANDEIRETA, CANTARON E BAILARON.
DESPOIS, A PROFE ISABEL, ORGANIZOU UNHA ACTIVIDADE NA QUE UN MÚSICO CHAMADO PAULO, NOS AMOSOU E TOCOU UN INSTRUMENTO (NOVO PARA NÓS):
OS XIRASOLES CREAMOS UNS SUPERHEROES CHULÍSIMOS PINTÁNDONOS A PALMA DA MAN. CADA UN ESCOLLEU O QUE MAIS LLE GUSTABA. AQUÍ VOS DEIXAMOS AS NOSAS CREACIÓNS.
OS XIRASOLES NESTE CURSO, VOLVEMOS A CREAR GRANDES OBRAS DE ARTE NO NOSO RECUNCHO. NESTA OCASIÓN PINTAMOS BANDEXAS DE POREXPÁN, DE FROITAS E VERDURAS, RECICLÁNDOAS E FACENDO UNS CADROS PRECIOSOS.
PARA DAR COMEZO AO VERÁN, E APROVEITANDO QUE ESTAMOS ESTUDANDO O NOSO CORPO, UNS RICOS XEADOS FEITOS COA NOSA PISADA!
A PARTE DE CREMA A FIXEMOS MESTURANDO ESPUMA DE AFEITAR, TÉMPERA E COLA BLANCA. ASÍ DE BONITOS NOS QUEDARON!
COMO ESTE TRIMESTRE ESTIVEMOS TRABALLANDO A ALIMENTACIÓN, OCORRÉUSENOS ESTAMPAR BOLAS DE NADAL CON PATATA. DESPOIS, FIXEMOS DIFERENTES FORMAS E CREAMOS TAMÉN UNHA ÁRBORE CON CADRADOS DE PATATA QUE POSTERIORMENTE ADORNAMOS CON GOMETS.
TODOS OS OS DÍAS NOS FIXAMOS NO TEMPO QUE FAI E NAS ÁRBORES DO PATIO, QUE XA NOS INDICAN QUE CHEGOU O OUTONO. O LUNS PASADO SAIMOS A RECOLLER FOLLAS QUE CLASIFICAMOS, PINTAMOS, ESTAMPAMOS E APROVEITAMOS PARA FACER UN BONITO CADRO DURANTE A SEMANA.
DE CAMIÑO, AGARDÁBANOS UNHA AGRADABLE SORPRESA POIS ACABÁBANOS DE SAÍR UN XIRASOL DOS QUE PLANTAMOS A FINAIS DO CURSO PASADO. AQUÍ VOS DEIXAMOS TODO ISTO!
ESTE CURSO COÑECEMOS MOITAS COUSAS DE VAN GOGH. QUEREMOS AMOSARVOS TRES CADROS QUE TRABALLAMOS.
O PRIMEIRO DELES, "MALEZA CON DÚAS FIGURAS", ENCANTOUNOS XA QUE ESCOLLEMOS ENTRE TODOS FACELO E OS PASOS PARA QUE QUEDARA O MÁIS PARECIDO POSIBLE AO DE VAN GOGH.
DECIDIMOS USAR UNHA CARTOLINA VERDE, POIS ALGÚN XIRASOL PENSABA QUE NON FACÍA FALTA PINTALA SE XA EXISTÍA. DESPOIS DECATÁMONOS DE QUE TIÑA RAÍÑAS FACENDO A MALEZA E PENSAMOS QUE CON UN GARFO QUEDARÍA BEN. TAMÉN LLE PUXEMOS UNHA LIÑA NEGRA NA PARTE SUPERIOR, XA QUE NOS PARECÍA QUE ERA DE NOITE. PARA REMATAR PINTAMOS AS FLORES CO DEDO, PEGAMOSLLE AS ÁRBORES E ESCOLLEMOS PARELLAS PARA SACAR AS FOTOS. ESTE É O RESULTADO!
O SEGUINTE CADRO É "MELOCOTOEIRO EN FLOR". SAIMOS AO REDOR DO COLE A BUSCAR ÁRBORES QUE ESTABAN FLORECENDO. FIXÁMONOS EN COMO ERA O CADRO E COMPARÁMOLOS COAS ÁRBORES QUE ATOPAMOS. PINTAMOS O TRONCO CON CERA, DESPOIS CUN BASTONCIÑO AS FLORES E O CHAN CON ESPONXA.
PARA REMATAR DEIXÁMOSVOS UNHA FOTO DE "OS LIRIOS" QUE FIXEMOS CON ESPONXA, TALADROS DE FLOR E GOMETS.
A SEMANA PASADA VISITOUNOS VANE, A MAMÁ DE NICOLAS. PRESENTOUNOS MOITOS PINCELES FEITOS POR ELA CON ESPONXA, PAPEL, FÍOS... A SÚA IDEA ENCANTOUNOS E DISFRUTAMOS TANTO PINTANDO E EXPERIMENTADO QUE NON DABAMOS VISTAS AS NOSAS OBRAS REMATADAS!!! ASÍ DE BEN NOS QUEDARON!
POR TODOS NÓS É BEN SABIDO QUE A MAMÁ DE IVÁN É UNHA ARTISTA COA GOMA EVA. ESTE XOVES FÍXONOS UNHA DEMOSTRACIÓN NA CLASE AOS COQUIÑOS E AOS XIRASOLES. FIXEMOS UNHAS GORRAS DECORADAS DE YAYOI KUSAMA E VAN GOGH QUE NOS QUEDARON ESTUPENDAS!
QUEREMOS AGRADECERLLE A DIANA A SÚA VISITA E TODO O QUE APRENDEMOS CON ELA!
DEIXÁMOSVOS UN VÍDEO COA EXPLICACIÓN DE DIANA, POR SE QUEREDES FACER A GORRA NA CASA, E OUTRO COAS FOTOS DO OBRADOIRO.
CANDO COMEZAMOS A COÑECER COUSIÑAS SOBRE VAN GOGH, ESTE CADRO FOI O QUE MÁIS NOS CHAMOU A ATENCIÓN E POLO QUE QUIXEMOS COMEZAR. CORTAMOS, PEGAMOS, DECORAMOS, PINTAMOS... E O RESULTADO DESTES ARTISTAS FOI INMELLORABLE!
LEVAMOS MOITO TEMPO SEN PUBLICAR PORQUE SE NOS ESTROPEOU O ORDENADOR DO COLE E NON TIÑAMOS FOTOS. AGORA IREMOS SUBINDO AS QUE TEMOS ATRASADAS.
AQUÍ VOS DEIXAMOS O CADRO DOS XIRASOLES DE VAN GOGH!
AQUÍ VOS DEIXAMOS UN RESUMO DO NOSO ENTROIDO!!!!
NO PRIMEIRO VÍDEO ESTAMOS COS COQUIÑOS (4 ANOS). ESTE DÍA MUDÁMONOS DE AULA E COA SÚA AXUDA FIXEMOS UN OBRADOIRO DE ANTIFACES. PASÁMOLO MOI BEN!!
O SEGUNDO SON AS NOSAS PRIMEIRAS ORDES DO MECO E, POR ÚLTIMO, O VÍDEO DO DÍA DO ENTROIDO DISFRAZADOS DE XIRASOLES. ESPERAMOS QUE VOS GUSTEN!
COMEZAMOS ESTE SEGUNDO TRIMESTRE CUN PROXECTO DOS NOSOS NOMES. NEL IREMOS AMOSANDO AS DIFERENTES COUSIÑAS QUE VAMOS FACENDO. O PRIMEIRO FOI RECOÑECER O NOSO NOSO NOME ENTRE O DOS COMPAÑEIROS. CUSTOUNOS UN POUCO XA QUE ESTABAN BEN ESCONDIDOS... A SEGUNDA FICHA (QUE NOS GUSTOU MOITO) FOI ESCOLLER DIFERENTES MATERIAIS PARA DECORAR AS LETRAS. QUEDÁRONNOS ASÍ DE BONITOS!
PARA DECORAR O COLE OS XIRASOLES FIXEMOS UNHAS ÁRBORES MOI ORIXINAIS COS PÉS E UNHAS BÓLAS CON LÁ. AQUÍ VOS DEIXAMOS AS FOTOS E APROVEITAMOS PARA DESEXAVOS FELIZ 2015 A TOD@S!
KEITH HARING FOI UN ARTISTA QUE, DENDE MOI PEQUENO, COMEZOU A DEBUXAR INSPIRÁNDOSE NOS DEBUXOS ANIMADOS DA TELEVISIÓN.
UTILIZOU MATERIAIS (TIZA, ROTULADOR, SPRAY...) E DEBUXOS (ANIMAIS E FIGURAS DANZANDO) MOI PRÓXIMOS A NÓS, E GRAZAS A ISO E, A SÚA SINXELEZA ENCANTOUNOS.
AQUÍ VOS DEIXAMOS DOUS VÍDEOS NOS QUE TRABALLAMOS A ESTE ARTISTA; NO PRIMEIRO FIXEMOS AS NOSAS SILUETAS IMITANDO OS SEUS DEBUXOS. ESTA FOI A PRIMEIRA ACTIVIDADE ARTÍSTICA DESTE CURSO. NO SEGUNDO TRABALLAMOS UN CADRO DE KEITH HARING "DANZA MULTICOLOR" NO QUE NOS DIVERTIMOS MOITO XOGANDO A BAILAR E A POÑER POSTURAS.
